თბილისი (GBC) – საქართველოს საგარეო ვაჭრობა ევროკავშირისა და დსთ-ს სივრცესთან მზარდია.

„საქსტატის“ ცნობით, წლის პირველ 5 თვეში საგარეო სავაჭრო ბრუნვამ ევროკავშირის ქვეყნებთან 1.090  მლრდ აშშ დოლარი შეადგინა, რაც წინა წლის შესაბამისი პერიოდის მაჩვენებელზე 15.3 პროცენტით მეტია.

40.7 %-ით გაიზარდა ექსპორტი ევროკავშირის ქვეყნებში, რამაც 260 მლნ აშშ დოლარი  მოუტანა ქვეყანას. იმპორტი 0.1%-ით 830.4 მილიონამდეა გაზრდილი.

საქართველოს საგარეო სავაჭრო ბრუნვაში ამ ქვეყნების წილმა 27.6 პროცენტი შეადგინა.

მზარიდა ვაჭრობა დსთ-ის ქვეყნებთანაც, ბრუნვა 36%-ით არის გაზრდილი   1.285 მლრდ  აშშ დოლარამდე.  383.4 მილიონს შეადგენს საექსპორტო კალათა, ზრდა 62.7%-ია. 27% -ით გაიზარდა იმპორტიც -  901.8 მლნ. აშშ დოლარამდე.

საქართველოს საგარეო სავაჭრო ბრუნვაში დსთ-ის ქვეყნების წილი 32.6 პროცენტი იყო.