თბილისი (GBC) - უძრავი ქონება გაძვირებას განაგრძობს. აგვისტოში ფასი წლიურად 27%-ით გაიზარდა და საშუალო ღირებულებამ კვადრატულზე $999 შეადგინა. TBC Capital-ის კვლევის მიხედვით, მიუხედავად ფასის ზრდისა მოთხოვნა არ მცირდება და აგვისტოში ტრანზაქციების რაოდენობა, ფასის ზრდის პარალელურად - 27%-ით გაიზარდა. ჯამში ამ პერიოდში 3610 ტრანზაქცია დაფიქსირდა.

ფასი ამავე პერიოდში ყველაზე მეტად საბურთალოზე გაიზარდა - 31%-ით; მას მოსდევს გლდანი სადაც ფასი 30%-ით არის გაზრდილი და ნაძალადევი - 28%-იანი ზრდით.

აღსანიშნავია რომ აგვისტოში ივლისთან შედარებით საცხოვრებელი სახლების გასაყიდი ფასი 8.6%-ით გაიზარდა.

TBC Capital მიანიშნებს რომ მიგრანტების მზარდი ტალღის ფონზე უძრავ ქონებაზე მოთხოვნის შემცირება მოსალოდნელი არ არის და მეტიც - ამ ფაქტორმა არ არის გამორიცხული ფასის ზრდაზეც იმოქმედოს. კვლავ პიკურად გაზრდილია ქირის ფასი - წლიურად 80%-იანი ზრდით, რისი მთავარი მიზეზიც სწორედ მიგრანტების მხრიდან გაზრდილი მოთხოვნაა.