თბილისი (GBC) -  I კვარტალში ყველაზე მსხვილი  ინვესტიცია ტრანსპორტისა და კავშირგაბმულობის სექტორში ჩაიდო.

„საქსტატის“ ცნობით, აღნიშნულ სექტორში 141.1 მლნ აშშ დოლარი ჩაიდო, მთლიანი ინვესტიციების 35%.

მეორე ადგილზე იმყოფება უძრავი ქონების სექტორი 80.3 მლნ. აშშ დოლარით, ხოლო მესამეზე - საფინანსო სექტორი 79.6 მლნ. აშშ დოლარით.

ხუთეულშია მშენებლობა (56 მლნ) და სასტუმროები (16 მლნ).

სამთომოპოვების სექტორში ინვესტორებმა 9 მლნ დააბანდეს; შემცირებულია ენერგეტიკაში ინვესტიციები, რაც 7 მლნ შეადგენს.

სოფლის მეურნეობის სექტორში წელს, პირდაპირი უცხოური ინვესტიცია არ ჩადებულა. ჯანდაცვა მინუსშია $1 მლნ მოცულობით, ასევე დამამუშავებელი მრეწველობა, სადაც ასევე -5 მლნ დოლარი ფიქსირდება.