თბილისი (GBC) -  აქციზის მკვეთრ ზრდას ნავთობპროდუქტების იმპორტზე ნეგატიური გავლენა არ მოუხდენია.

 ნავთობპროდუქტების იმპორტიორთა კავშირის მონაცემებით, აპრილში საქართველოში ბენზინისა და დიზელის საწვავის იმპორტმა შეადგინა  96,0 ათასი ტონა, რაც  12,4 ათასი ტონით ანუ 14,8%-ით აღემატება მარტის თვის მაჩვენებელს და 8.9 ათასი ტონით ანუ 10,2%-ით მეტია 2016  წლის აპრილის თვის მაჩვენებელთან შედარებით.

მათ შორის, 2017 წლის აპრილში ბენზინის საწვავის იმპორტმა შეადგინა 36,7 ათასი ტონა, ხოლო დიზელის საწვავის იმპორტმა - 59,3 ათასი ტონა.

მთავარი იმპორტიორი ქვეყანა კვლავ რუმინეთია, ამ ქვეყნიდან 29.6 ათასი ტონა ნავთობპროდუქტები შემოვიდა, მთელი იმპორტის 30.8%.

მეორე პოზიციაზეა აზერბაიჯანი,  23.5 ათასი ტონით(24,5%), მესამეზე  თურქმენეთი - 16.6 ათასი ტონით (17,3%).

 შემდეგ პოზიციებზე არიან: ბულგარეთიდან - 14.0 ათასი ტონა (14,6%), რუსეთიდან  - 8.1 ათასი ტონა (8,4%), საბერძნეთიდან -  3,5 ათასი ტონა (3,6%), უკრაინიდან - 0,6 ათასი ტონა (0,6%) და სხვ.