თბილისი (GBC) - 2016 წლის, საქართველოს ეკონომიკის მოცულობამ, მიმდინარე ფასებში 33.922 მლრდ  ლარი შეადგინა, რაც "საქსტატის" მონაცემებით, 6,8 პროცენტით აღემატება წინა წლის ანალოგიურ მაჩვენებელს.

თუმცა ამასთან, მშპ-ს  რეალური ზრდა წინა წელთან შედარებით 2,7 პროცენტით განისაზღვრა, ხოლო დეფლატორი გაიზარდა 4 პროცენტით.

მოსახლეობის 1 სულზე მშპ 9 117,7 ლარი ($3 852,5) იყო. 

მთლიანი შიდა პროდუქტის დარგობრივ სტრუქტურაში ყველაზე დიდი წილით გამოირჩევა მრეწველობა (17,1 %) და ვაჭრობა (16,3 %). შემდგომ პოზიციებს იკავებს ტრანსპორტი და კავშირგაბმულობა (10,1%), სოფლის მეურნეობა, მეთევზეობა (9,3%), სახელმწიფო მმართველობა (9,1%), მშენებლობა (8,3%),  ოპერაციები უძრავი ქონებით, იჯარა და მომხმარებლისათვის მომსახურების გაწევა (6,6%), ჯანმრთელობის დაცვა და სოციალური დახმარება (5,8%).

ბოლო ერთ წელიწადში სასტუმროები და რესტორნების ჯგუფში 9,9% ზრდაა,  საფინანსო საქმიანობა - 9,3%,  მშენებლობა - 8,1%,  სამთომოპოვებითი მრეწველობა - 7,6 %, ოპერაციები უძრავი ქონებით, იჯარა და მომხმარებლისათვის მომსახურების გაწევა -6,7 %, დამამუშავებელი მრეწველობა - 4,8 %.

კლება აღინიშნა ტრანსპორტის (-0,9 პროცენტი) და კავშირგაბმულობის (-0,2 პროცენტი) სექტორებში