თბილისი (GBC) - 2016 წლის IV კვარტალში საქართველოში 33 ელევატორი ფუნქციონირებდა, - ელევატორების კვლევას “საქსტატი“ ავრცელებს.

ოფიციალური მონაცემებით, 2016 წლის IV კვარტლის განმავლობაში ელევატორებში შენახული (განთავსებული) იყო 229,2 ათასი ტონა პროდუქცია, რომლის 83,4%-ს წარმოადგენდა ხორბალი, ხოლო დანარჩენ პროდუქციას (სიმინდი, კარტოფილი, ალაო და ა.შ) უმნიშვნელო წილი ჰქონდა

ამავე პერიოდში გაყიდულია 57,6 მლნ ლარის ღირებულების 98,4 ათასი ტონა პროდუქცია, საიდანაც 75,3% იყო ადგილობრივი  წარმოების. ადგილობრივ  პროდუქციაში, როგორც მოცულობის, ისე ღირებულების მიხედვით, ჭარბობდა ხორბლის ფქვილი (რომელზეც მოდიოდა ელევატორების მიერ გაყიდული ადგილობრივი პროდუქციის დაახლოებით 81,8%).

აღსანიშნავია, რომ ელევატორებში დასაქმებულთა საშუალო წლიური რაოდენობა 943 კაცით განისაზღვრა.