თბილისი (GBC) - 2020 წელს სახელმწიფოს მიერ გამოცხადებული ელ.შესყიდვების მაჩვენებელი 25%-ით შემცირდა. სულ, 25,598 შესყიდვა.შემცირებულია იმ ტენდერების რაოდენობაც, რომლებიც დასრულდა და საბოლოო სტატუსი მიენიჭა, 25,019 -მდე, 7,552 -ით ნაკლებია 2019 წლის ანალოგიურ მაჩვენებელზე.

ამასთან, წინა წლის ანალოგიურ მაჩვენებელთან შედარებით, 3 პროცენტული პუნქტით გაიზარდა წარმატებით დასრულებული ტენდერების წილი, რომელმაც 74% შეადგინა; შესაბამისად, შეწყდა, დასრულდა უარყოფითი შედეგით და არ შედგა გამოცხადებული ტენდერების 26%. 

2020 წელს განხორციელებული სახელმწიფო შესყიდვების მთლიანმა მოცულობამ 5,158,143,556 ლარი შეადგინა, რაც მთლიანი შიდა პროდუქტის 10.4%-ს შეადგენს.  

ელექტრონული ტენდერების და კონსოლიდირებული ტენდერების საფუძველზე გაფორმებული სახელმწიფო შესყიდვების ჯამურმა სახელშეკრულებო ღირებულებამ 4,088,057,239 ლარი შეადგინა , ხოლო გამარტივებული სახელმწიფო შესყიდვების ხელშეკრულებების ჯამურმა ღირებულებამ - 1,070,086,317 ლარი. 

გამარტივებული შესყიდვების ღირებულების ნახევარზე მეტი წილი მოდის სახელმწიფოს მიერ გაცემულ სასოფლო-სამეურნეო სუბსიდიებზე, პანდემიის მართვის პროცესში შესყიდულ საჭირო სხვადასხვა სამედიცინო ინვენტარზე და წამალზე.