თბილისი (GBC) - პანდემიური წლის ბოლო თვეში, 2020 წლის დეკემბერში ყველაზე მეტად ჯანდაცვის სერვისები გაძვირდა. საქსტატის მონაცემებით, ჯანმრთელობის ჯგუფში ფასების 9.6%-იანი ზრდა წლიურ ინდექსზე 0.76%-ული პუნქტით აისახა. 

9.5%-ით არის გაძვირებულია ავეჯი, საოჯახო ნივთებისა და სახლის მოვლის საშუალებები, რაც წლიური ინფლაციის მთლიან მაჩვენებელზე 0.56%-ული პუნქტით აისახა. გაძვირდა ყოველდღიური საყოფაცხოვრებო საჭიროების საქონელი და მომსახურება (11.2%), მინის ჭურჭელი, მაგიდის და საოჯახო ჭურჭელი (11.2%), ტექნიკა და სხვა.

6.8%-ით გაძვირდა სურსათი და უალკოჰოლო სასმელები, რაც წლიურ ინფლაციაზე 2.19%-ული პუნქტით აისახა. ფასები მომატებულია ზეთსა და ცხიმზე (27.2%), ყავა, გაძვირდა ჩაი და კაკაო (13.4%), რძე, ყველი და კვერცხი (11.3%), თევზეული (8.8%), შაქარი, ჯემი და სხვა ტკბილეული (8%), ფასები შემცირებულია ხილსა და ყურძენზე (-4.5%).

8,6%-ით გაძვირდა ალკოჰოლური სასმელები და თამბაქო, ჯგუფის წვლილმა წლიურ ინდექსში 0.56%-ული პუნქტი შეადგინა. ფასები გაიზარდა როგორც თამბაქოს ნაწარმზე (12.7%), ასევე ალკოჰოლურ სასმელებზე (5.4%);

21,6%-ით არის შემცირებული კომუნალუირი ხარჯები, გაიაფდა წყალმომარაგება და საცხოვრებელთან დაკავშირებული სხვა მომსახურება (-36.5%) და ელექტროენერგია, აირი და სათბობის სხვა სახეები (-30.1%).