თბილისი (GBC) - რეზიდენტების მიერ უნაღდო ხარჯვის წლიური ზრდის ტემპი სურსათის და ფარმაციის გარდა კატეგორიებში შემცირებას განაგრძობს და 25-31 ოქტომბრის კვირაში ცვლილებამ -16% შეადგინა.

უნაღდო ხარჯვის ზრდა სურსათსა და ფარმაციაზე სტაბილურად მაღალია და წინა წლის ანალოგიურ პერიოდთან შედარებით, შესაბამისად, 50% და 46% შეადგინა.

ტანსაცმელზე უნაღდო ხარჯვის ზრდის ტემპი 25-31 ოქტომბრის პერიოდში კვლავ უარყოფითია და -10% შეადგინა.

გართობაზე დანახარჯები წინა კვირასთან შედარებით მკვეთრად შემცირებულია და ცვლილებამ -76% შეადგინა.

ფიტნესზე უნაღდო დანახარჯების ზრდა უარყოფითია და 25-31 ოქტომბრის პერიოდში ცვლილებამ წ/წ -76% შეადგინა.

სამშენებლო მასალებზე უნაღდო დანახარჯების წლიური ცვლილებამ წინა კვირასთან შედარებით მცირედით იკლო და წ/წ +40% შეადგინა.

ავეჯსა და სხვა საყოფაცხოვრებო საქონელზე უნდაღდო დანახარჯების ზრდის ტემპი წინა კვირასთან შედარებით მცირედით შენელდა და 25-31 ოქტომბრის პერიოდში წლიურმა ცვლილებამ +34% შეადგინა.

ელექტრონიკაზე უნაღდო ხარჯვის ზრდა ოქტომბრის ბოლო კვირაში გაზრდილია და +14% შეადგინა.

პირად ჰიგიენაზე უნაღდო დანახარჯების წლიური ზრდის ტემპი კვლავ ორნიშნა მაჩვენებელზეა და +16% შეადგინა. სხვა სამომხმარებლო საქონელზე ხარჯვის წლიურმა ზრდამ 25-31 ოქტომბრის პერიოდში +1% შეადგინა.

მანქანის შეკეთებაზე უნაღდო დანახარჯები ოდნავ შემცირებულია (წ/წ +17%) წინა კვირის მაჩვეებელთან შედარებით (წ/წ +19%).

ოქტომბრის ბოლოს საწვავზე უნაღდო დანახარჯები კვლავ უარყოფითი გახდა და წ/წ -5% შეადგინა.

ექიმთან ვიზიტებზე უნაღდო დანახარჯები წინა კვირასთან შედარებით საკმაოდ გაიზარდა და მიმდინარე კვირაში ცვლილებამ წ/წ +33% შეადგინა.