თბილისი (GBC)  - თბილისის საცხოვრებელი უძრავი ქონების 2020 წლის გაყიდვების ჯამურ კლებას 20%-ის ფარგლებში ელოდება, ახალ ბინებში უკეთესი ( -18%) დინამიკით ვიდრე ძველ ბინებში ( -22%) - ნათქვამია თი-ბი-სი კაპიტალის 29 ოქტომრბის კვლევაში.

გასაყიდი ფასების კლება დოლარში წლიურად  0-5%-ის ფარგლებში არის მოსალოდნელი; აღდგენა ეტაპობრივად გრძელდება 2021 წელს, ხოლო 2022 წელს მოსალოდნელია გაყიდვებმა 2019 წ. ნიშნულს გადააჭარბოს.

სახელმწიფო სუბსიდირების პროგრამის გაგრძელებას ამ დინამიკის გაუმჯობესება შეუძლია.

თიბისი კაპიტალი ბათუმის საცხოვრებელი უძრავი ქონების 2020 წლის გაყიდვების ჯამურ კლებას -29%-ის ფარგლებში ელოდება: ახალი ბინებში გაყიდვების 30%-ით, ხოლო ძველი ბინებში 25%-ით კლებაა მოსალოდნელი.

ახალი ბინების ფასის კლება დოლარში წლიურად 7%-ის ფარგლებში, ხოლო ძველი ბინების ფასის კლება წლიურად  4% ფარგლებში არის მოსალოდნელი.

 ბათუმში ბინებზე საინვესტიციო მოთხოვნის დაბრუნება ტურიზმის აღდგენის მოლოდინებთანაა დაკავშირებული; მოსალოდნელია გაყიდვებმა 2019 წლის ნიშნულს 2022წ. გადააჭარბოს