თბილისი (GBC) - სებ-ის სტატისტიკით, 2020 წლის აგვისტოში ტურისტულმა შემოსავლებმა 14, 9 მლნ. დოლარი შეადგინა, მაშინ, როდესაც 2019 წლის ანალოგიურ პერიოდში - $412 მლნ.

კლება გამოიწვია პანდემიის გამო საზღვრების დახურვამ და ტურისტული სექტორის თითქმის მთლიანად შიდა ტურიზმზე გადასვლამ.

საანგარიშო პერიოდში საქართველოში მხოლოდ 34 600 უცხოელი ტურისტი ჩამოვიდა, რაც შემოსავლებზე აისახა. 2019 წლის ანალოგიურ პერიოდში ეს მაჩვენებელი 753 500 -ს შეადგენდა.

ასევე მკვეთრადაა შემცირებული ტურისტული შემოსავლები 2020 წლის ივლისში - 12,1 მლნ. დოლარი და 37 200 ტურისტი, მაშინ, როდესაც 2019 ივლისში - 347,7 მლნ. დოლარი და  570 438 ტურისტი.

აღსანიშნავია,რომ ტურიზმის წლიურ სტატისტიკას შედარებით აუმჯობესებს 2020 წლის  პირველი 2 თვის მაჩვენებელი - იანვარი - 153 მლნ. დოლარი (363 600 ტურისტი), და თებერვალი - 160, 5 მლნ. დოლარი (434 600 ტურისტი).