თბილისი (GBC) - Covid-19 პანდემიამ, ტურიზმთან ერთად, მნიშვნელოვნად შეამცირა საქართველოს საგარეო ვაჭრობა. საქართველოს სტატისტიკის ეროვნული სამსახურის მონაცემებით, 2020 წლის იანვარ-აგვისტოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) $7 022.8 მლნ შეადგინა, რაც წინა წლის შესაბამისი პერიოდის მაჩვენებელზე 16.7%–ით ნაკლებია.

აქედან, ექსპორტი $2 071.4 მლნ იყო (14.7%–ით ნაკლები), ხოლო იმპორტი $4 951.4 მლნ (17.5%–ით ნაკლები). უარყოფითმა სავაჭრო ბალანსმა 2020 წლის იანვარ-აგვისტოში $2 880 მლნ და საგარეო სავაჭრო ბრუნვის 41% შეადგინა.