თბილისი (GBC) - 6-14 წლის მოზარდებში ინტერნეტმოხმარება 92.2%-მდეა გაზრდილი. 3 თვის  სტატისტიკით, ინტერნეტით ისარგებლა 6 წლის და უფროსი ასაკის მოსახლეობის 74%–მა, რაც 3.4%პ-ით აღემატება 2019 წლის ანალოგიურ მაჩვენებელს.

საქსტატის მონაცემებით, საქალაქო დასახლებებში აღნიშნული მაჩვენებელი 82.4%–ით, ხოლო სასოფლო დასახლებებში 61.6%ით განისაზღვრა. ეს მაჩვენებელი ქალების შემთხვევაში 73.2%–ს, ხოლო კაცების შემთხვევაში 74.9%–ს შეადგენს.

ასაკობრივი ჯგუფების მიხედვით, ამ მაჩვენებლის მნიშვნელობა ყველაზე მაღალია 15-29 წლის მოსახლეობაში და 97.2%–ს შეადგენს.

15 წლის და უფროსი ასაკის მოსახლეობიდან, რომლებიც ბოლო 3 თვის განმავლობაში სარგებლობდნენ ინტერნეტით, 89.2% ინტერნეტს ყოველდღე ან თითქმის ყოველდღე მოიხმარდა, 9.4% - კვირაში ერთხელ მაინც (თუმცა არა ყოველდღე), 1.4% კი - უფრო იშვიათად.