თბილისი (GBC) - საქართველოში ბოლო 3 წელში ინტერნეტზე მოსახლეობის 74% -ს მიუწვდება ხელი. ოჯახების ინტერნეტიზაციის მაჩვენებელი უფრო მაღალია - 85%, თუმცა, საერთაშორისო სტატისტიკა დგინდება არა ოჯახების, არამედ მოსახლეობის რაოდენობასთან მიმართებაში. (საქართველოს მოსახლეობა 3.7 მლნ-ია, ოჯახები -1.1 მლნ)

ამ მხრივ, საქართველო განვითარებულ სამყაროს ჩამორჩება - ყველაზე მაღალი მაჩვენებელია აშშ და კანადაში - 95%, ჩრდილოეთ ევროპაში - 95%, და ასევე დასავლეთ ევროპაში  - 94%.

შედარებით დაბალია მოსახლეობის აქტიურობა გლობალურ ქსელში აღმოსავლეთ ევროპის ქვეყნებში, თუმცა, ეს მაჩვენებელი საქართველოს მაინც აღემატება - 80%.

საქართველოსთან მიახლოვებული მაჩვენებელი სამხრეთ ამერიკას აქვს - 73%.

მსოფლიოში ყველა ნაკლებია ინტერნეტთან წვდომა ცენტალური აფრიკაში - 12%.

ინტერნეტის წვდომის მხრივ ყველაზე სწრაფად ზრდადი ქვეყანაა ინდოეთი, სადაც 2019 წელს გლობალური ქსელის გამოყენებაშ 2018 წელთან შედარებით 20% შეადგინა. თუმცა, ზოგადი მაჩვენებელი მაინც ერთ-ერთი ყველაზე დაბალია მსოფლიოში - 41%.