თბილისი (GBC) საქართველოში უმაღლეს სასწავლებლებში 13 328 უცხოელი სტუდენტი სწავლობს (2019/2020 სასწავლო წელი).მათ შორის უმრავლესობა - 8898 - კერძო სასწავლებლის სტუდენტია, 4429 - სახელმწიფო.

ეს მაშინ, როდესაც საქართველოს მოქალაქეებს შორის სტატისტიკა საპირისპიროა  - კერძოდ, 2020 წლის მონაცემებით, მთლიანობაში სახელმწიფო უნივერსიტეტებში 95 500 სტუდენტი სწავლობს, ხოლო კერძოში  - 53 300.

საქართველოში სტუდენტები ძირითადად ჩამოდიან ინდოეთიდან, აზერბაიჯანიდან, ერაყიდან, და ნიგერიიდან.

ჩამოსულთა რაოდენობა ყოველწლიურად იზრდება. საქსტატის მონაცემებით, 2013-2014 სასწავლო წელს საქართველოში 3 420 უცხოელი სტუდენტი ჩამოვიდა; 2014/2015 სასწავლო წელს - 4 780; 2015/2016 -6 643; 2016/2017 - 8 012;  2017/2018  -10 074.

საქართველოში მეტი უცხოელი სწავლობს, ვირდე საქართველოს მოქალაქე უცხოეთში.

კერძოდ, უცხოეთში ამ დროისთვის 656 საქართველოს მოქალაქე სწავლობს.