თბილისი (GBC) - საქსტატის წინასწარი მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2020 წლის II კვარტალში 237.8 მლნ. აშშ დოლარი შეადგინა, რაც 2019 წლის II კვარტალის დაზუსტებულ მონაცემებზე 0.5 პროცენტით მეტია.

აპრილი-მაისის პერიოდში ყველაზე მეტი უცხოური ინვესტიცია შემდეგ კომპანიებში განხორციელდა:

·        შპს მაგთიკომი

·        სს კორპორაცია ფოთის საზღვაო ნავსადგური

·        სს RMG Copper

·        შპს RMG Gold

·        სს დარიალი ენერჯი

·        სს მეტრო ავრასია ჯორჯია

·        შპს აჭარისწყალი ჯორჯია

·        შპს ჯინო პარკი

·        სს ბიჯეო ჯგუფი

·        შპს რეკან გრუპ ჯორჯია

კომპანიები არ არის დალაგებული რეიტინგის მიხედვით. სამი უმსხვილესი სექტორის წილმა (განხორციელებული პირდაპირი უცხოური ინვესტიციების მიხედვით) 2020 წლის II კვარტალში 57.0 პროცენტი შეადგინა. ყველაზე მეტი პირდაპირი უცხოური ინვესტიცია საფინანსო სექტორში განხორციელდა და 78.1 მლნ. აშშ დოლარს მიაღწია, რაც მთლიანი პირდაპირი უცხოური ინვესტიციების 32.9 პროცენტია. მეორე ადგილზე იმყოფება ენერგეტიკის სექტორი - 29.6 მლნ. აშშ დოლარით, ხოლო მესამეზე - მშენებლობის სექტორი 27.7 მლნ. აშშ დოლარით.