თბილისი (GBC) - 2020 წლის პირველ ნახევარში საქართველოში საავტომობილო ავარიებში დაიღუპა 203 და დაშავდა 3482 ადამიანი - 2019 წლის ანალოგიურ პერიოდში დაღუპულთა რაოდენობა 224 იყო, დაშავებულების - 3708.

2019 წელს ქვეყანაში ავარიების შედეგად სულ 481 ადამიანი დაიღუპა, 2018 წელს კი - 459.

საშუალოდ, ბოლო წლებში საქართველოში საავტომობილო ავარიებში 450-დან 500 ადამიანამდე იღუპება და ეს სტაბილური მაჩვენებელია, რომელიც უმნიშვნელოდ იცვლება.

100 000-ს მაცხოვრებელზე ავარიებში სიკვდილიანობის კუთხით, საქართველოს ევროპაში ერთ-ერთი ყველა ცუდი პოზიცია აქვს.

კერძოდ, ჯანდაცვის მსოფლიო ორგანიზაციის რეიტინგის თანახმად, საქართველოში ავარიებში  ყოველწლიურად 100 000 ადამიანზე 15 იღუპება.

უარესი პოზიცია რეგიონში აქვთ სომხეთს - 17,  ყაზახეთს, ასევე 17, და რუსეთს - 18.

ევროპაში ყველაზე ცუდი პარამეტრები აქვს ალბანეთს - 13, უკრაინას, ასევე 13, თურქეთს  - 12, და ბულგარეთს - 10.

ევროკავშირის ქვეყნების უმეტესობაში ავტოავარიებში სიკვდილიანობა 100 000 ადამიანზე 6-5 დაღუპულს არ აღემატება.

ამ მხრივ ყველაზე წარმატებული ქვეყნების სან-მარინო (0), შვეიცარია (2.7), და ნორვეგია (2.7).

თუმცა, მსოფლიო მასშტაბით ვითარება გაცილებით უფრო მძიმეა  - ლათინურ ამერიკაში, აზიაში, და აფრიკაში, ისეთ ქვეყნებში, როგორც ჩინეთი, ინდოეთი, ირანი, მალაიზია, და ა.შ. სიკვდილიანობა 18-დან იწყება.

ყველაზე მეტი  ავარიების შედეგად აფრიკულ ქვეყანა ლიბერიაში იღუპება - 40 ადამიანი 100 000-ზე.