თბილისი (GBC) - ერთადერთი სექტორი საქართველის ეკონომიკაში, სადაც დასაქმება თითქმის სერიოზული ვარდნის გარეშე იზრდება ვაჭრობაა.

ვაჭრობის სექტორში დასაქმებულთა რაოდენობა, ცალ-ცალკე აღებული  ყველა სხვა სექტორში დასაქმებულთა რაოდენობას აღმატება.

2020 წლის პირველ კვარტალში ვაჭრობის სექტორში მუშაობდა 187 000 ათასი ადამიანი, მრეწველობაში 132 000, მშენებლობაში 57 000, სასტუმრო-სარესტორნმი ბიზნესში კი  - 32 000.

მაჩვენებელი მცირე გამონაკლისის გარდა, წლების მანძილზე იზრდება.

2014 წელს ვაჭრობაში დასაქმებული იყო 138 00 ადამიანი, 2015-ში - 156 000, 2017-ში - 184 000, 2018-ში - 196 000, 2019-ში - 188,6, ხოლო 2020-ში - 187,5.

ვაჭრობის დარგში დასაქმებულთა რაოდენობის სტაბილურობის შენარჩუნების მიუხედავად, 2020 წელს ანაზღაურება მაინც შემცირდა.

2014 წელს საშუალო ანაზღაურება ვაჭრობის სექტორში (საშემოსავლო გადასახადის გადახდამდე)  თვეში 702 ლარს შეადგენდა, 2015-ში - 793, 2016-ში - 790, 2017-ში - 844, 2018-ში - 960, 2019-ში  - 1223, 2020-ში - 1060 ლარი.