თბილისი (GBC) - საქართველოში დასაქმების სტრუქტურაში ტრადიციულად მაღალია თვითდასაქმებულთა წილი, რაც ეკონომიკის სუსტ განვითარებაზე მეტყველებს.

საქსტატის მონაცემებით, 2020 წლის მე-2 კვარტალში თვითდასაქმების მაჩვენებელი, რომელიც წინა პერიოდში ოდნავ შემცირდა, ისევ გაიზარდა.

ქვეყანაში კონტრაქტის საფუძველზე დასაქებულთა მხოლოდ 48,6% მუშაობს, 51,4% - თვითდასაქმებილია.

ბოლო 2,5 წლის მანძილზე ეს თვითდასაქმების ყველაზე მაღალი მაჩვენებელია.

2018 წლის პირველ კვარტალში თვითდასაქმებულთა წილი მთლიან დასაქმებაში 50,6%, მე-2-ში - 48,7%, მე-3-ში - 48,8%, მე-4-ში კი - 48,7% იყო.

2019 წელს მაჩვენებელმა ზრდა დაიწყო - პირველ კვარტალში  - 49,7%, მე-2-ში - 49.8%, მე-3-ში - 49,4%, მე-4-ში - ზუსტად 50%.

2020 წლის პირველ კვარტალში თვითდასაქმებულთა პროცენტი ოდნავ შემცირდა - 49,1%-მდე, ხოლო მე-2 კვარტალში მკვეთრად, 51,4%-მდე გაიზარდა.

შესაბამისად, ოფიციალურად დასაქმებული ადამიანების რაოდენობა ქვეყანაში მცირდება.