თბილისი (GBC) - საქსტატის ინფორმაციით, საქართველოსთვის ყველაზე მნიშვნელოვანი საექსპორტო ბაზარი არა რუსეთია, როგორც ბოლო წლებში იყო, არამედ ჩინეთი.

2020 წლის 6 თვეში საქართველოდან ჩინეთში 248,3 მლნ დოლარის პროდუქცია გავიდა, რუსეთში კი - 229 მლნ-ის.

რა შეიძლება გაიტანოს საქართველომ ქვეყანაში, რომელიც მსოფლიოში უმსხვილესი მწარმოებელია.

საქსტატის მონაცემებით, ამ მიმართულებაზე უმსხვილესი საექსპორტო საქონელია მადნები და სპილეძის კონცენტრატები -  183 მლნ. დოლარი. მეორე ადგილზეა ღვინო - 8,2 მლნ. დოლარი.

დანარჩენი საექსპორტო საქონელი ასე განაწილდა -ფეხსაცმელი, ქოლგები - 4,9 მლნ. დოლარი,  ოპტიკური საზომი-საკონტროლო მოწყობილობა და მისი ნაწილები - 4,6 მლნ. დოლარი,  კოჭა, ზაფრანა, ურცი, დაფნის ფოთოლი, კარი და სხვა სანელებლები - 2,7 მლნ. დოლარი

არაძვირფასი ლითონების ნაწარმი - 1,9 მლნ. დოლარი, ქიმიური და ფარმაცევტული პროდუქცია - 1,3 მლნ.  დოლარი, ელექტროტექნიკური მოწყობილობის ნაწილები - 1 მლნ.  დოლარი,  პლასტმასების და რეზინის ნაწამრი - 375 000  დოლარი, ბოჭკოვანი და ცელულოზას ნაწარმი - 300 000 დოლარი.