თბილისი (GBC) - TBC Capital მშპ-ს რზდის ტემპის 2019 წლის მეოთხე კვარტალის ნიშნულამდე ზრდას 2021 წლის მესამე კვარტლამდე არ ელის. TBC-ის ეკონომისტები მიიჩნევენ, რომ მიუხედავად იმისა რომ 2020 წლის კრიზისისას ეკონომიკური ვარდნა იმაზე მაღალი იყო, ვიდრე ეს წინა 2008 წლის კრიზისას იყო, მიმდინარე წელს ეკონომიკა ზრდას უფრო სწრაფად დაუბრუნდება.

ყველაზე მეტად დაზარალებული სექტორების სრულად აღდგენას, ეკონომისტები მაქსიმუმ 2-3 წლის განმავლობაში ელიან. „პანდემიის შოკი დროებითია“, - მიიჩნევენ TBC-ში. ამასთან კვლევაში ვკითხულობთ რომ კრიზისის გავლენა უმუშევრობაზე მოკლევადიან პერიოდში უფრო მასშტაბური იქნება, ვიდრე ეს 2008 წელს იყო.

„Covid19-მა ყველაზე მეტად ის სექტორები დააზარალა, სადაც განსაკუთრებით მეტი ადამიანია დასაქმებული. მაგალითად ტურიზმი“, - ვკითხულობთ კვლევაში.

უმუშევრობის მაჩვენებლის ძველ ნიშნულზე დაბრუნებას TBC Capital-ში 2021 წლამდე არ ელიან.