თბილისი (GBC) - მაისში აპრილთან შედარებით საარსებო მინიმუმი შემცირდა. სტატისტიკის სამსახურის მონაცემებით, საშუალო მომხმარებლის საარსებო მინიმუმი თვეში 167 ლარს და 90 თეთრს შეადგენს, რაც წინა თვესთან შედარებით 8 ლარით და 90 თეთრით შემცირებული მაჩვენებელია.

წლიურად კი საარსებო მინიმუმი 50 თეთრით არის შემცირებული. საარსებო მინიმუმს საქსტატი მინიმალური სასურსათო კალათის მიხედვით ითვლის, რომელშიც ის ძირითადი პროდუქტებია გაერთიანებული, რაც მომხმარებელს 1 თვის განმავლობაში სჭირდება. საქსტატის მონაცემებით, საშუალო ოჯახის საარსებო მინიმუმი 318 ლარია. ეს თანხა განსხვავდება ოჯახის წევრების რაოდენობის მიხედვით და შემდეგნაირად ნაწილდება: ორსულიანი ოჯახის საარსებო მინიმუმი 268.7 ლარია, სამსულიანის 302.2 ლარი, ოთხსულიანის 335.8 ლარი, ხოლო ხუთსულიანის კი 377.8 ლარი.