თბილისი (GBC) - PMCG-იმ 40 ექსპერტის გამოკითხვის შედეგად საქართველოს ეკონომიკური მდგომარეობის კვლევა გამოაქვეყნა. გამოკითხვა იანვარში ჩატარდა და ის მომდევნო 6 თვის მოლოდინებს ეხებოდა. კვლევის მიხედვით წლის პირველ კვარტალში საქართველოს ეკონომიკური კლიმატი მცირედით უარესდება.

ამ პერიოდში ექსპერტები საქართველოს ეკონომიკურ მდგომარეობას ნეგატიურად აფასებენ. ამასთან, შეფასება გაუარესებულია წინა - 2019 წლის მეოთხე კვარტალთან შედარებითაც.

ექსპერტებს ნეგატიური მოლოდინები აქვთ მომდევნო 6 თვესთან დაკავშირებითაც.

საქართველოს ეკონომიკის მთავარი პრობლემები: ნდობის ნაკლებობა მთავრობის ეკონომიკური პოლიტიკის მიმართ, პოლიტიკური არასტაბილურობა და ინოვაციების ნაკლებობა.

კვლევამ აჩვენა:  ლარი იმაზე მეტად არის გაუფასურებული, ვიდრე ამას მაკროეკონომიკური  მაჩვენებლები აჩვენებს; მომდევნო 6 თვეში ექსპორტის მოცულობის მატებაა მოსალოდნელი, ასევე იმპორტისაც, მოსალოდნელია, რომ ექსპორტის ზრდის გადააჭარბებს, იმპორტისას და შედეგად სავაჭრო ბალანსი გაუმჯობესდება.