თბილისი (GBC) - ქართულ პორტებს ტვირთბრუნვა გაეზარდა.

10 თვის მონაცემებით, საზღვაო ნავსადგურებმა და ტერმინალებმა 14.2 მლნ ტონა ტვირთი გადაამუშავეს. წლიურ ჭრილში ზრდა 14.5%-ია.

42%-ზე მეტად გაიზარდა პორტებში საკონტეინერო ტვირთები, რაც რეკორდულ 526 059 TEU –ს შეადგენდა. საკონტეინერო ტვირთბრუნვა 10 თვეში  უკვე აღემატება 2018 წლის წლიურ მაჩვენებელს.

ეკონომიკის სამინისტროს მონაცემებით, 10 თვეში ფოთის პორტი 7.2 მლნ ტონა ტვირთს მოემსახურა (2018 წ. 10 თვე - 5.1 მლნ) ბათუმის ნავსადგურში 2.6  მლნ ტონა ტვირთი გადაამუშავეს, სადაც კლებაა 3.1 მილიონიდან.  სუფსის ტერმინალში  3.1 მლნ ტონა, ხოლო ყულევში 1.3 მლნ.