თბილისი (GBC0 - ეკონომიკური განვითარებისა და თანამშრომლობის ორგანიზაციის, “მოსწავლეების საერთაშორისო შეფასების” PISA 2018 წლის შედეგების თანახმად, საქართველომ მონაწილე 79  ქვეყანას შორის ერთ-ერთი ყველაზე დაბალი შედეგები აჩვენა.

კვლევა, რომელიც 1990 წლიდან ტარდება აანალიზებს მოსწავლეთა შედეგებს მათემატიკაში, მეცნიერებასა და კითხვაში (წაკითხულის გააზრება).

საქართველოს შედეგები 2018 წლის კვლევის მიხედვით შემდეგია:

კითხვა - 380

მათემატიკა - 398

მეცნიერება - 383

ამ შედეგებით, საქართველო კვლევაში მონაწილე ქვეყნებიდან მხოლოდ პანამას, ინდონეზიას, მოროკოს, ლიბანს, კოსოვოს, ფილიპინებს და დომენიკის რესპუბლიკას უსწრებს.

საქართველოს ქულა მნიშვნელოვნად ჩამორჩება OECD-ის ქვეყნების საშუალო მაჩვენებელს. კერძოდ, საშუალო ქულა კითხვაში 487-ია, მათემატიკაში 489, ხოლო მეცნიერებაში 489.

საუკეთესო შედეგი კვლევის მიხედვით ესტონეთს, სინგაპურს, ჩინეთს და კანადას აქვთ, რომლის მოსწავლეებმაც სამივე კომპონენტში საშუალოზე მაღალი შედეგები აჩვენეს.

PISA-ს მიზანია შეამოწმოს თუ რამდენად არიან მოსწავლეები მზად საზოგადოებრივ ცხოვრებაში აქტიური მონაწილეობისთვის.