თბილისი (GBC) - საქართველოს ნავსადგურებმა 1.1 მილიონი ტონა ტვირთი დაკარგა. 

10 თვის სტატისტიკით, ქვეყნის 4 ნავსადგურში  12.4 მლნ ტონა  ტვირთი გადამუშავდა. წლიურ ჭრილში 8%-იანი კლებაა. 

უფრო დეტალურად თუ ჩავშლით, ყველა ნავსადგურში კლებაა. ფოთის პორტმა 5.1 მლნ ტონა მშრალი და ნაყარი ტვირთი გადაამუშავა. წლიურ ჭრილში კლება 5 00 000 ტონაა. 

ბათუმის პორტმა 3 მლნ ტონა ტვირთი მიიღო, 0.4 მილიონიანი კლების ფონზე. 

ყულევში 1.1 მლნ ტონა ტვირთი გადამუშავდა (- 0.3 მლნ), ხოლო სუფსაში  3 მლნ (-0.1 მლნ). 

საპირისპირო ტენდენციაა საკონტეინერო ტვირთბრუნვაში. ბათუმისა და ფოთის პორტებმა 370 128 TEU კონტეინერი მიიღეს, 15.7%-ით მეტი ვიდრე შარშან. 

აქედან  296 320 ერთეული ფოთის პორტმა მიიღო, დანარჩენი ბათუმში გადამუშავდა.

აღსანიშნავია, რომ  10 თვეში, საქართველოში ჯამში 33.2 მლნ ტონა ტვირთია გატარებული. წლიურ ჭრილში 200 000 ტონიანი კლებაა.