თბილისი (GBC) - ცხვრის ხორცის ექსპორტი, რომელიც ახალი პროდუქტია საქართველოს საექსპორტო კალათაში წლიურ 35%-იან ზრდას აჩვენებს.

საქსტატის ცნობით, 9 თვეში ექსპორტზე 25.5 მილიონი დოლარის ცხვრის და თხის ხორცის ექსპორტი განხორციელდა, რაც უკვე აღემატება შარშანდელ წლიურ მაჩვენებელს (23.7 მლნ). ექსპორტის პიკი ივლისში იყო  6.5 მლნ დოლარის მოცულობით.

აღსანიშნავია, რომ კიდევ 4.1 მლნ ცოცხალი ცხვრის ექსპორტიდან მიიღო ქვეყანამ, რაც იმას ნიშნავს, რომ ბიზნესის ამ სეგმენტის საექსპორტო შემოსავალი 30 მლნ დოლარს აღწევს.

ცხვირის და თხის იმპორტიც ხორციელდება. 9 თვის მონაცემებით 2.7 მლნ დოლარის ცოცხალი ცხვარია შემოყვანილი, რომელიც საქართველოში იკვლება და შემდეგ ექსპორტზე გადის.