თბილისი (GBC) - ქართული ვისკი Jimsher  ჯილდოს “Leader of the Year“ მფლობელი გახდა.

კომპანიის ცნობით, ბიზნეს დაჯილდოვება შვეიცარიის სარეიტინგო ასოციაციიისა და ნაციონალური ბიზნეს რეიტინგების კავშირის (NBR-UNION) ერთობლივი პროექტის ფარგლებში გაიმართა.

შვეიცარიის სარეიტინგო ასოციაციის საერთაშორისო ჯილდო Leader of the Year გადაეცემათ საქართველოს მასშტაბით სტატისტიკურად რანჟირებულ NBR კავშირის ტოპ რეიტინგებში მოწინავე პოზიციებზე მყოფ კომპანიებს შორის გამოვლენილ საუკეთესო კომპანიებს, შვეიცარიის სარეიტინგო ასოციაციის დაკვეთით და საქართველოს სოციოლოგიური კვლევების ჯგუფ G.P.G-ს მიერ ჩატარებული კვლევების მიხედვით.

აღსანიშნავია, რომ 2017 წელს, ბრიტანეთში, 2საერთაშორისო კონკურსზე პირველმა ქართულმა ვისკიმ Jimsher ოქროს მედალი დაიმსახურა. კონკურსზე The Travel Retail Masters 2017 -ზე Jimsher დასახელებულ იქნა მსოფლიო 10 საუკეთესო ალკოჰოლურ სასმელს შორის (The top 10 best value for money travel retail spirits).