თბილისი (GBC)  - Check in Georgia  -ს  სარეკლამო კამპანიას  "ვისოლ ჯგუფის" შვილობილი, კომპანია „ალმა“ მოემსახურება.

მასშტაბური ღონისძიებების გარე რეკლამა, მთელი ქვეყნის მასშტაბით, სწორედ „ალმას“ ბანერებსა და  მონიტორებზე იქნება წარმოდგენილი და ამ მომსახურებისთვის „ალმა“ 500 000 ლარს მიიღებს. შესყიდვა გამარტივებული გზით უნდა განხორციელდეს.

ტურიზმის ეროვნულ ადმინისტრაციაში აღნიშნავენ, რომ შერჩეული ტერიტორიები, რომელიც კომპანიას ეკუთვნის  ხალხმრავალია და იქ ინტენსიური მოძრაობაა -  „აღნიშნული ბანერის მეშვეობით მოსახლეობა და უცხოელი ტურისტები ამომწურავ ინფორმაციას მიიღებს სახელმწიფოებრივი მნიშვნელობის ღონისძიებებთან დაკავშირებით“.

სარეკლამო ბანერებზე, ბილბორდებსა და მონიტორებზე რეკლამა წარმოდგენილი იქნება 4 ქალაქში - ზუგდიდში, ქუთაისში, ბათუმსა და თბილისში, ასევე სამივე საერთაშორისო აეროპორტში. ჯამში რეკლამა 36 ადგილზე განთავსდება.