თბილისი (GBC) - ჯეოსელში ცვლილებები დაიწყო - „სილქნეტი“ კომპანიის 100% -იანი წილის მფლობელი ოფიციალურად გახდა.

შეიცვალა გენერალური დირექტორიც. ამ პოსტზე პაველ სმალინსკი დავით მამულაიშვილი ჩაანაცვლა.

ცნობილია გარიგების დამფინანსებელ სინდიკატში მონაწილე ბანკებიც. ესენია: თიბისი, ბანკი ქართუ, ბაზის ბანკი, პაშა ბანკი, იშ ბანკი, ტერაბანკი, თურქული პაშა ბანკი, ლიბერთი  და ვითიბი.

გარიგების წარმატებით დასრულებაზე განაცხადა Fintur Holdings B.V -მაც, რომელიც „ჯეოსელში“ წილს მისი შვილობილი Gürtel -ის მეშვეობით ფლობდა.

მხარეების ცნობით, გარიგების ღირებულება  153 მლნ დოლარია. 

დარჩება თუ არა ბაზარზე, თითქმის 22 წლიანი ისტორიის მქონე, ბრენდი „ჯეოსელი“ ჯერ უცნობია.

აქტივის ახალმა მფლობელმა, ბიზნესმენი გიორგი რამიშვილმა ადრე განაცხადა,  რომ  ფოკუს -ჯგუფების მუშაობის შედეგად ყველაზე ოპტიმალური ვარიანტი შეირჩევა და გადაწყდება  რა ბრენდით წარადგენს „სილქნეტი“ მობილურ სერვისს.