თბილისი (GBC) - პარკირების სისტემის შეუფერხებელი გადმობარებისთვის თბილისის სატრანსპორტო კომპანია  3.7 მილიონიან შესყიდვას განახორციელებს.

ამ თანხის ფარგლებში კომპანია შეიძენს თანამშრომლებისთვის სპეცფორმებს (პერანგები, შარვლები, ქამარი, კეპი, ჟილეტი, ქურთუკი), სალარო აპარატებს, ტერმინალებს, საოფისე ნივთებს,  კომპიუტერულ და ვიდეო ტექნიკას, ასევე 4 სედანის და 2 პიკაპის ტიპის ავტომობილს.

შესასყიდ ნუსხაშია :  10 ევაკუატორი, 9000 საგზაო ნიშანი, 3000 დგარი, 5000 კვ.მ საპარკინგე ზონის დახაზვა.

შესყიდვის შეუფერხებელი განხორციელებისთვის კი, გამარტივებული შესყიდვა მოხდება.

როგორც ცნობილია, "თბილისის სატრანსპორტო კომპანია" დედაქალაქის პარკირების მართვას 10 აპრილიდან დაიწყებს. "სითი პარკის" კი, 120 თანამშრომელი კარიერას თბილისის სატრანსპორტო კომპანიაში გააგრძელებს.