თბილისი (GBC) – Tesla –ს აქციონერები ილონ მასკს მსოფლიოში ყველაზე მაღალ ხელფასს მისცემენ.

Bloomberg -ის ცნობით, ელექტრომობილების და მზის პანელების მწარმოებელი კომპანიის აქციონერთა უმრავლესობამ მხარი დაუჭირა მასკის წლიური ანაზღაურების 2.6 მილიარდ დოლარამდე გაზრდას. ასეთი მაღალი ხელფასი კი, ჯერ არცერთ დაქირავებულ მენეჯერს არ მიუღია.

გადაწყვეტილებას აქციონერთა 73% დასთანხდა. ხელფასის ზრდის  მხარდაჭერა იმ აქციონერებმა გამოხატეს, რომელთა სამუშაო ადგილები ან მასკზე ან მის ძმა ქიმბალზეა დამოკიდებული.

აქციონერები ამ ნაბიჯით ცდილობენ მასკის ფოკუსში Tesla-ს დაბრუნებას. ცოტა ხნის წინ ბიზნესმენმა ღიად განაცხადა, რომ საიმედო შემცვლელის შემთხვევაში სიამოვნებით დატოვებდა Tesla-ს ხელმძღვანელის პოსტს და სხვა პროექტებზე გადაერთვებოდა. არადა კომპანიას არაერთ ამბიციურ გეგმაზე აქვს გაცხადებული, რომელთა შესრულების მკაფიო ხედვა აქციონერებს არ აქვთ.