თბილისი (GBC) - ყაზბეგში, სატვირთო ავტომობილების სადგომის მოსაწყობი მიწის საიჯარო ფასი 5 მილიონამდე გაიზარდა.

დაძაბულ კონკურენციაში, 41 915 ბიჯის შემდეგ, წლიურად, 5.05 მილიონი ლარის გადახდის მზადყოფნა  კომპანია „ყაზბეგი ლოჯისთიქსმა“ დააფიქსირა. შესრულდება თუ არა ეს პირობა კომპანიის მხრიდან უახლოეს პერიოდში გაირკვევა. „ყაზბეგი ლოჯისთიქსი"  12 მარტს არის დაფუძნებული და ნიკოლოზ ბიბილაშვილს ეკუთვის.

კომპანიამ საიჯარო ქირა ყოველწლიურად უნდა იხადოს. ადგილზე კი, არანაკლებ 700 სატვირთო ავტომანქანაზე გათვლილი ავტოსადგომი უნდა შექმნას, მოსასვენებელი და კვების ობიექტებით.