თბილისი (GBC) -  ზუსტად არ შემიძლია ვთქვა რა მოხდა, - Doppelmayr-ს წარმომადგენელი  გუდაურში მომხდარ ინცინდენტის მიზეზებზე ვერ საუბრობს. 

"პირველ არხთან" გაკეთებულ კომენტარში  ეკარდ ასმანმა აღნიშნა, რომ ბოლო  20 წლის განმავლობაში არ ახსოვს  ასეთი ინციდენტი.

Doppelmayr-ის წარმომადგენელი გუდაურში უკვე მიემგზავრება.

„ჩვენ მივიღეთ ინფორმაცია, ვნახეთ ვიდეოები. ახლა ზუსტად არ შეგვიძლია ვთქვათ, რა მოხდა. ჩვენი კოლეგა Doppelmayr-იდან უკვე მიდის გუდაურში. დაახლოებით ერთ საათში იქნება ადგილზე. მიზეზებთან დაკავშირებით არ გვაქვს დამატებითი ინფორმაცია. საბედნიეროდ, საბაგირო გზებზე ინციდენტები იშვიათია. მე პირადად, ბოლო 20 წლის პერიოდში არ მახსოვს ასეთი ინციდენტი", – ამბობს ეკარდ ასმანი. 

კომპანიის ჩამოსვლა დაადასტურა პირველმა ვიცე-პრემიერმა.

„ისინი დღეს 5-საათიანი რეისით უკვე მოფრინავენ, ხვალ დილით აქ იქნებიან და ზედამხედველობის სამსახურთან ერთად, შესაბამისად, მათი ექსპერტებიც ჩაერთვებიან ამ ინციდენტის სრულფასოვნად გამოძიებაში“, - განაცხადა დიმიტრი ქუმისშვილმა.