თორნიკე დარჯანია ერთ-ერთია ვინც „ნეტო აღრიცხვაში“ ჩაერთო, საკუთარ სახლში მიკრო სიმძლავრის მზის პანელები და ქარის სადგური დააყენა.

ჯამში მან $5000-მდე დახარჯა და გარდა სახლის მოხმარებისა, გამომუშავებული ელექტროენერგია პრაქტიკულად ანულებს მისი „ბიტკოინის მაინერების“ მიერ მოხმარებულ ენერგიასაც. მან სახლში 5 კვტ სიმძლავრე განავითარა. 

„თუკი დავუშვებთ, რომ არსებული ელექტროენერგიის ტარიფი უცვლელი იქნება, ჩემს ჩადებულ თანხას 9 წელში დავიბრუნებ, თუმცა თუკი მაგალითად ტარიფი ყოველწლიურად გაიზრდება 3%-ით, მე აღნიშნული თანხის დაბრუნებას 7 და შესაძლოა ნაკლებ პერიოდშიც მოვახერხებ. დამატებით წამახალისებელ კანონმდებლობასთან ერთად კი ვადა შესაძლოა 5 წლამდეც შემცირდეს“, - აღნიშნავს დარჯანია და ამბობს, რომ 1 კვტ-ის განვითარებას, ჯამში ყველანაირი ხარჯის გათვალისწინებით, $700-$1000 სჭირდება, ეს დამოკიდებულია პანელების ფასებზე, მოწოდებაზე და ა.შ.

ამ თემაზე საქართველოს ენერგეტიკისა და წყალმომარაგების მარეგულირებელი ეროვნული კომისია - ის თავმჯდომარე ირინა მილორავა, GBC.ge - ბიზნესი და ეკონომიკა - ის კორესპონდენტთან მარიამ მინაძესთან ინტერვიუში საინტერესო პროექტზე საუბრობს: