თბილისი (GBC) - გარემოს დაცვის  და სოფლის მეურნეობის მინისტრმა  ფაროსანასთან  საყოველთაო ბრძოლის დაწყება დააანონსა, მთელი საქართველოს მასშტაბით.

მარტის შუა რიცხვებიდან ყველა რეგიონში ამოქმედდება საველე შტაბები, ასევე  დამონტაჟდება მწერის მონიტორინგის ხაფანგები, იგივე მიმზიდველები.

ამასთან, ლევან დავითაშვილმა  შეამზადა მოსახლეობა, რომ  ფაროსანა მყისიერად  არ გაქრება. ის  ენტემოფაუნის ნაწილია  და კამპანია ითვალისწინებს  მხოლოდ მის განეიტრალებას, რომ მეურნემ მომგებიანობის შენარჩუნება  შეძლოს. 

მინისტრი მოსახლეობას აფრთხილებს, რომ დათბობასთან ერთად  მწერიც გააქტიურდება,    რომლებიც ჯერ  შენობებში იქნება, ვიდრე სასოფლო კულტურები  გაჩნდება.

ყველას მოუწოდა  ბრძოლისთვის, თუმცა სიფრთხილით, მძიმე ქიმიური პრეპარატების გარეშე,  1 მდედრის  განადგურება 200-ის პრევენციას  ნიშნავს და  მე-2, მე-3 თაობებს ავირიდებთ.