თბილისი (GBC) - საქართველოს ბანკის სამეთვალყურეო საბჭოს თავმჯდომარის მოვალეობას ნილ ჯანინი შეასრულებს, - ამის შესახებ GBC-ის საქართველოს ბანკში განუცხადეს. 

ჯანინი, ამ დრომდე სამეთვალყურეო საბჭოს თავმჯდომარის მოადგილის პოციზიას იკავებდა. ის საქართველოს ბანკის გუნდში 2010 წლიდანაა. 

1982 წლიდან 27 წლის განმავლობაში, სანამ 2010 წელს საქართველოს ბანკს შეუერთდებოდა,  ნილ ჯანინი  იყო „მაკკინზი და კომპანიის“ დირექტორი და მოღვაწეობდა კომპანიის პარიზის ოფისში. 

ბანკში აღნიშნავენ, რომ სამეთვალყურეო საბჭოს თავმჯდომარის პოზიცია დატოვა ირაკლი გილაურმა, აღნიშნული ცვლილება, საინვესტიციო ჯგუფის BGEO -ს ორი სხვადასხვა მიმართულებით - საბანკო („საქართველოს ბანკის ჯგუფი“ - Bank of Georgia Group), და საინვესტიციო ბიზნესის („საქართველოს კაპიტალი“ - Georgia Capital), გაყოფის პროცესის ნაწილია. გაყოფის პროცესი მიმდინარეობს და 2018 წლის პირველ ნახევარში დასრულდება.