თბილისი (GBC) -  მსხვილი ენერგეტიკულ კომპანიები Nord Pool -ი და  Bluberries-ი საქართველოს ენერგეტიკული ბაზრის განვითარებაში ჩაერთვებიან.

საკითხი ევროპულ კომპანიებთან პირველმა ვიცე-პრემიერმა განიხილა.

ეკონომიკის სამინისტროს ცნობით,   ქართული მხარე კომპანიებთან თანამშრომლობის მემორანდუმს გააფორმებს, რომლის ფარგლებშიც ერთი წლის განმავლობაში ისინი სამინისტროს მიაწვდიან კონკრეტულ რეკომენდაციებს, რათა ქვეყანაში შეიქმნას ელექტროენერგიის კონკურენტული ბაზარი და გახდეს ელექტროენერგიით ვაჭრობის რეგიონალური ჰაბი.

აღსანიშნავია, რომ Nord Pool AS ელექტროენერგიის უმსხვილესი ბაზარია ევროპაში. არის ევროპის 15 ქვეყანაში ელექტროენერგიის ბაზრის ნომინირებული ოპერატორია (NEMO). გარდა ამისა, Nord Pool AS  ემსახურება ბულგარეთისა და ხორვატიის ბაზრებს. სკანდინავიის ბაზარზე მოხმარებული ელექტროენერგიის 80%-ზე მეტი Nord Pool-ზე ივაჭრება.

რაც შეეხება Bluberries GmbH, ის მიუნხენში, 2011 შეიქმნა ენერგოინდუსტრიისთვის საკონსულტაციო მომსახურების მიზნით.