თბილისი (GBC) – თითო ქართული ფილმის საზოგადოებრივი მაუწყებლის ეთერში 2-ჯერ გაშვება მინიმუმ 650 ლარი ჯდება.

მაუწყებელი ამ თანხას ფილმზე საკუთრების უფლების მფლობელს უხდის, რეჟისორს ან მის მემკვიდრეს.

მაგალითად, 7 სერიანი ფილმის „დათა თუთაშხიას“ ეთერში გაშვება „პირველ არხს“  4550 ლარი დაუჯდა, კინორეჟისორის შოთა მანაგაძის 4 ფილმის ჩვენების უფლება 3000 ლარი,  გიორგი შენგელაიას 7 ფილმის კი, 6560 ლარი.

GBC-ი დაინტერესდა რა ღირს ამა თუ იმ ფილმის ჩვენების უფლება (ერთჯერადი განმეორებით). 

„თოჯინები იციანიან“ – 767 ლარი;  „ისინი ჩამოვიდნენ მთიდან” - 767  ლარი; „იმერული ესკიზები“ -  813 ლარი; ღვინის ქურდები - 650 ლარი; „ყვავილი თოვლზე“ - 813 ლარი, „ფესვები“  - 813 ლარი; „ბაში აჩუკი“ -  820 ლარი; „სიყვარული ყველას უნდა“ -  820 ლარი; „მხიარული რომანი“ და  „უდიპლომო სასიძო“ – 1500 ლარი; მანდარინები - 720 ლარი;„მონანიება“ და „ნატვრის ხე 1530 ლარი.