თბილისი (GBC) -  ისრაელის ჰაი-ტეკ კომპანიები საქართველოს ბაზრით დაინტერესდნენ და პირდაპირი საქმიანი კავშირის დამყარების ინიციატივაც აქვთ.

სწორედ ამ ინიციატივის პასუხად, „ისრაელის სახლის“ ხელშეწყობით, 18 აპრილს შოუ-რუმი გაიხსნება. 

„ჩვენ ამ ურთიერთობებში ვდგამთ პირველ ნაბიჯებს, რაც შემდეგ იმპულსს მისცემს სხვადასხვა მიმართულებებს, რათა ჩამოყალიბდეს პირდაპირი საქმიანი კავშირები“, - აცხადებს იციკ მოშე და აღნიშნავს, რომ დაინტერესებაა ისრაელში საქართველოს პოტენციალის წამოჩენის მხრივაც.

მისი თქმით, საუბარი ჯერ არ არის ერთობლივ პროექტებზე. ერთობლივი პროექტები არის დღეიდან მეოთხე ეტაპი.

„ისრაელი მსოფლიოში წამყვანი ქვეყანაა აღნიშნულ სფეროებში, ამიტომ ჩვენი მიზანია შევქმნათ საქართველოსთვის პირდაპირი ხიდები ისრაელთან, რათა ეზიაროს მსოფლიო დონის მიღწევებს“, - აცხადებს ბიზნესმენი.

მისი თქმით, ჯერ გადაწყვეტილი არ არის სად განთავსდება შოურუმი, ერთ-ერთ ლოკაციად თავად „ისრაელის სახლი“ განიხილება.

 მისი თქმით, პარალელურად, ერთ-ერთი საინვესტიციო ჯგუფი ხსნის სტარტაპების სკოლას.

„ეს ყველსფერი იძლევა იმის საფუძველს, გაფართოვდეს დაინტერესება და ურთიერთობები ამ მიმართულებით, არის დიდი პოტენციალი, ისრაელის მსგავსად, საქართველო ჩამოყალიბდეს სტარტაპ ქვეყნად“, - აცხადებს ის.