თბილისი (GBC)-  თბილსის მერია მიწისქვეშა პარკინიგების მოსაწყობად ინვეტორებს იწვევს. 

სულ 10 ლოკაციაა შერჩეული, სადაც მიწისქვეშა ავტოსადგომების მოწყობაა დაგეგმილი.  მერიამ  პირველ ლოკაციაზე ინტერესთა გამოხატვა 20 თებერვალს გამოაცხადა. 

საუბარია  ფილარმონიის მიმდებარედ საპარკინგე ინფრასტრუქტურს მოწყობაზე.

ინტერესთა გამოხატვა 60 დღის განმავლობაში გაგრძელდება. შერჩეულმა ინვესტორმა ადგილის ტექნიკურ-ეკონომიკური დასაბუთება უნდა ჩაატაროს და დადებითი დასკვნის შემთხვევაში პროექტი განახორციელოს. 

პირობით, ადგილზე 180 ავტომობილზე გათვლილი ავტოსადგომი მოეწყობა. საერთო რაოდენობის 5% დაეთმობა ელექტრომობილებს, სადაც დამონტაჟდება ამ ტიპის ავტომობილების დასამუხტი სადგურები. 

კახა კალაძის თქმით, პროექტის შესწავლა და სამუშაოები განხორციელდება კერძო ინვეტიციით. პროექტის  სავარაუდო ღირებულება 3 მლნ ლარია.