თბილისი (GBC) - კრიპტოვალუტების  მაინინგის გამო, ისლანდიის ელექტრომომარაგებას საფრთხე შეექმნება, - იტყობინება BBC News ენერგოკომპანია HS Orka-ზე დაყრდნობით.

კომპანიის წარმომადგენელი იოჰან სიგურბერგსონი მიიჩნევს, რომ ქვეყანაში დატა-ცენტრების მრავალრიცხოვანი პროექტების განხორციელების შემთხვევაში, მათი „კვებისთვის“ უფრო მეტი ელექტროენერგია იქნება საჭირო, ვიდრე მოსახლეობისთვის.

კომპანიის გათვლით, დატა-ცენტრების საერთო მოხმარება 840 გიგავატ ელექტროენერგიას შეადგენს, საცხოვრებელი სახლებისთვის კი, მხოლოდ 700 გიგავატია საჭირო.

ისლანდიაში არსებული კლიმატიდან გამომდინარე დატა-ცენტრების აშენება მომგებიანია, რამდენიმე ფაქტორის გამო, მათ შორის სისტემის  გაგრილებაზე  დიდი ხარჯის გაწევა არ არის საჭირო და მეორე,  მეორე ქვეყანას გააჩნია მაღალხარისხიანი ოპტიკურ-ბოჭკოვანი არხები.

2017 წლის დეკემბერში Power Compare -მა  დათვალა, რომ ელექტროენერგიის ხარჯების ზრდის მიმდინარე დინამიკის შენარჩუნების  შემთხვევაში,  დედამიწაზე წარმოებული მთელი ელექტროენერგია კრიპტოვალუტის მოპოვებაზე დაიხარჯება.  

ამ დროისათვის,  მაინინგზე წელიწადში 31 ტერავატი საათი იხარჯება,  რაც არის პლანეტაზე წარმოებული ელექტროენერგიის 0.14%. . წილი შეიძლება დიდი არ არის, მაგრამ ის უკვე აღემატება რამდენიმე ქვეყნის ჯამურ მოხმარებას, მაგალითად ირლანდიის  და ნიგერიის.