თბილისი (GBC) - NATO-ს ექს - გენერალური მდივანი ანდერს ფოგ რასმუსენი ლატვიური Norvik Bank -ის დამოუკიდებელი საბჭოს თავმჯდომარის მოადგილე გახდა, - ინფორმაციას თავად ბანკი ავრცელებს. 

ამ ბანკის მფლობელი რუსი ბანკირი გრიგორი გუსელნიკოვია, რომელიც ასევე რუსი ოლიგარქის მიხეილ გუცერიევთან ერთად "სბერბანკის" უკრაინული შვილობილის შეძენასაც გეგმავდა. გუცერიევი აშშ-ს "კრემლის ანგარიშშიც" მოხვდა, როგორც კრემლთან დაახლოებული ბიზნესმენი. 

რასმუსენი 2009-2014 წლებში იყო ჩრდილო-ატლანტიკური ალიანსის გენერალური მდივანი. 2001-2009 წლებში კი, დანიის პრემიერ-მინისტრი. 

"ვიმედოვნებ, ჩემი გამოცდილება სასარგებლო იქნება Norvik Banka -სთვის სახელმწიფო ორგანოებთან თანამშრომლობის და  ლატვიასა და ევროკავშირში ზრდის სტრატეგიის ფორმირების კუთხით", -  განაცხადა ანდერს ფოგ რასმუსენმა.