თბილისი (GBC) -  შინაგან საქმეთა სამინისტროს საპატრულო პოლიციის ავტოპარკი ჰიბრიდული და ელექტრომობილებით განახლდა. 

 საპატრულო პოლიციას, იაპონიის მთავრობის და კორპორაცია Mitsubishi -ის დახმარებით, 96 ერთეული ჰიბრიდული და ელექტრო ავტომობილი გადაეცა. 45 ჰიბრიდული და 51 ელექტრომობილი   საქართველოსთვის  იაპონიის მთავრობის საჩუქარია. 

ღონისძიებაზე შს მინისტრმა გიორგი გახარიამ უწყებაში სტრუქტურული რეფორმების დაწყებაზე განაცხადა, აღნიშნა, რომ თბილისის მთავარ სამმართველოში გამოყოფილია 5 ტერიტორიული სამმართველო, საპატრულო პოლიციას  სამართავად გადაეცა უკონტაქტო პატრული, იზრდება ქვეითი პატრულ - ინსპექტორების რაოდენობა, ასევე შსს -ში იქმნება მოქალაქეთა  მომსახურების ერთიანი ცენტრი, ეს იქნება ერთ სივრცეში, ერთი ფანჯრის პრინციპით საპოლიციო სერვისების მიწოდების ცენტრი.