თბილისი (GBC)   -  თბილისის ყოფილი ვიცე-მერი კარიერას ბიზნესომბუდსმენის პოსტზე აგრძელებს. 

 პრემიერ-მინისტრმა ლექვინაძე ბიზნესომბუდსმენად უკვე დანიშნა. პოსტი ვაკანტური იყო, მას შემდეგ, რაც გიორგი გახარიამ მინისტრთა კაბინეტში გადაინაცვლა.  

"ირაკლის ბიზნესსაზოგადოება კარგად იცნობს. ის იქნება ძალიან მნიშვნელოვანი რგოლი ბიზნესსა და ხელისუფლებას შორის ურთიერთობაში. არის ძალიან წესიერი ადამიანი, პროფესიონალი და დარწმუნებული ვარ, რომ ირაკლი გააგრძელებს იმ ძალიან კარგ ტრადიციას, რომელიც ამ ინსტიტუტში შეიქმნა. მართლაც, ჩვენი ხელისუფლების პირობებში გახდა ეს ინსტიტუტი ეფექტური. ის იქნება ბიზნესის ხმა ხელისუფლებაში“, - განაცხადა გიორგი კვირიკაშვილმა.

მან ირაკლი ლექვინაძის შესახებაც ისაუბრა, აღნიშნა, რომ პროფესიით ეკონომისტია, ბიზნესადმინისტრირების დოქტორი. იყო თბილისის მერის მოადგილე,  სხვადასხვა დროს მუშაობდა არაერთი საერთაშორისო პროგრამის კონსულტანტად, იყო ახალგაზრდა ფინანსისტთა და ბიზნესმენთა ასოციაციის ვიცე-პრეზიდენტი.

.