თბილისი (GBC) - საფინანსო-საბიუჯეტო კომიტეტის თავმჯდომარე ირაკლი კოვზანაძის განცხადებით, 2017 წლის სახელმწიფო ბიუჯეტის გადაჭარბებით არის შესრულებული.

კოვზანაძის თქმით,  შემოსულობები დაგეგმილი იყო  11 მილიარდ 487 მილიონი ლარის ოდენობით, რომელიც   შესრულებულია 131 მილიონ 500 ათასი ლარის გადაჭარბებით, ანუ  101, 1%-ით და შეადგენს 11 მილიარდ 619 მილიონი ლარს.

როგორც ირაკლი კოვზანაძემ პარლამენტის ბიუროს სხდომაზე აღნიშნა მნიშვნელოვანია, რომ გადასახადებიდან  მობილიზებულია გეგმაზე 11 მილიონ 300 ათასი ლარით მეტი.

გარდა ამისა, სრულად არის შესრულებული სახელმწიფო ბიუჯეტის ასიგნებები და  მთლიანობაში   გადახდილია 11 მილიარდ 753 მილიონ ლარზე მეტი.

 „საქართველოს პარლამენტში შემოსული ინფორმაციიდან გამომდინარე, ვადასტურებ, რომ  2017 წლის სახელმწიფო ბიუჯეტი გადაჭარბებით არის შესრულებული“ - განაცხადა პარლამენტის ბიუროს სხდომაზე ირაკლი კოვზანაძემ.