თბილისი (GBC)- საქართველოში უმუშევრობა მცირედით, მაგრამ მაინც მცირდება,- მოწმობს ეროვნულ-დემოკრატიული ინსტიტუტის (NDI)  ახალი კვლევა. 

2017 წლის ნოემბერ-დეკემბერში ჩატარებული საზოგადოებრივი აზრის კვლევის  მიხედვით,  მოსახლოების 60% თავს დაუსაქმებლად მიიჩნევს,  40% კი დასაქმებულად.  წინა  კვლევაში (2017 წლის ივნისი) 62% მიიჩნევდა თავს დაუსაქმებლად 38% კი, დასაქმებულად. 

ორგანიზაციის მიერ წარმოდგენილი გრაფიკა ცხადყოფს, რომ 2010-2017 წლებში მათი რაოდენობა ვინც თავს დასაქმებულად თვლის 30%-დან 40%-მდე გაიზარდა.

ამავე კვლევამ აჩვენა, რომ ოჯახების უმეტესობა კვლავ დაბალშემოსავლიანია. 

კითხვაზე - გასულ თვეში თქვენი ოჯახის ფულად შემოსავლებზე თუ ვისაუბრებთ ჩამოთვლილთაგან რომელ ჯგუფს მიეკუთვნება თქვენი ოჯახი შინამეურნეობა?

პასუხები ასეთია:  საერთოდ არ ჰქონია შემოსავალი 1%

180 ლარამდე შემოსავალი ჰქონდა - 11%

181-300 ლარამდე შემოსავალი - 17%

301-500 ლარამდე შემოსავალი - 21% (ჯამში 500 ლარამდე 50%)

501-800 ლარამდე შემოსავალი - 15%

801-1200 ლარამდე შემოსავალი 10%

1201-1600 ლარამდე შემოსავალი 4%

1600 ლარზე მეტი - 3%

არ ვიცი/უარი პასუხზე - 17%

NDI-ის კვლევის საველე სამუშაოები ჩატარდა 2017 წლის 29 ნოემბრიდან 19 დეკემბრის პერიოდში, საქართველოს მასშტაბით (ოკუპირებული ტერიტორიების გამოკლებით), 2298 პირისპირ ინტერვიუს წარმომადგენლობითი შერჩევის საფუძველზე. NDI-ის კვლევებს ატარებს CRRC-საქართველო. ცდომილების ზღვარია +/-1.9%.