თბილისი (GBC) - Bitcoin-ის ღირებულება  13 ათას დოლარამდე დაეცა.

კრიპტოვალუტის ვარდნის მაპროვოცირებელი ოფიციალური სეულის განცხადება გახდა. სამხრეთ კორეას სურს სრულად აკრძალოს კრიპტოვალუტებით ვაჭრობა.

CoinMarketCap-ზე,  დილის ვაჭრობაზე Bitcoin-ის ფასი 8.7%-ით, 13.13 ათას დოლარამდე დაეცა.  Bitfinex -ზე კი, ვარდნამ 6.3% შეადგინა.  

თბილისის დროით, 11.45 საათისთვის, Bitcoin 13.71 ათასი დოლარი ღირს, კაპიტალიზაცია 230.4 მილიარდს აღწევს.

ეთერიუმი 8.9% ვარდნას აჩვენებს და 1228.76 დოლარად ივაჭრება. Ripple -ის ფასი 1.75 დოლარია (-3.82%) Bitcoin Cash -ი გაძვირდა 4.29%-ით და 2549.08 დოლარი ღირს.

კრიტპოვალუტების პერსპექტივაზე განსხვავებულია ცნობილი ინვესტორების და ექსპერტების მოსაზრებები. მაგალითად უორენ ბაფეტი, რომელიც "ინვესტიციების გურუდ" მიიჩნევა ციფრულ ვალუტას არ ენდობა და ამბობს, რომ არასოდეს ჩადებს ინვესტიციას Bitcoin-ში, უფრო მეტიც ბაფეტი კრიპტოვალუტების "ცუდ დასასრულს" უწინასწარმეტყველებს.