თბილისი (GBC) - Microsoft-მა Bitcoin-ის, როგორც საგადახდო საშუალების, მიღება შეაჩერა.

ოფიციალური განმარტება ამის თაობაზე არ გაკეთებულა, მაგრამ უცხოურ მედიაში გავრცელებული ინფორმაციით, მიზეზად კრიპტოვალუტის არასტაბილურობა სახელდება.

Bleepingcomputer.com-ის ცნობით, კომპანიებისთვის, მაგალითად როგორიცაა მაიკროსოფტი და Steam, Bitcoin-ის არასტაბილური,  მოულოდნელი და გაუთვალისწინებელი ფასი, შესაძლოა უზარმაზარი ზარალის მომტანი გახდეს.

Microsoft არ იძლევა ბიტკოინით გადახდის საშუალებას, თუმცა მომხმარებლებს თხოვს წინასწარ დაამატონ დოლარში განსაზღვრული თანხა და გადაიხადონ ბიტკოინით. ეს კომპანიისთვის მაინც სავარაუდო ზარალის მომტან საკითხად რჩება, ამიტომ Microsoft-ი მომხმარებლებს საბანკო ბარათებით, ტრანზაქციებით ან PayPal-ით გადახდას ურჩევს.

აღსანიშნავია, რომ მაიკროსოფტს ბიტკოინის მხარდაჭერა 2014 წლიდან აქვს ჩართული. მისი მხარდაჭერის პროცესის შეჩერება კი Microsoft-მა დეკემბერში დაიწყო. მიმდინარე კვირას ასევე Visa-მ შეწყვიტა ხელშეკრულება WaveCrest-თან, რომელიც ბიტკოინის და სხვა კრიპტოვალუტების სადებეტო ბარათების გამომშვებია. შედეგად დაიხურა ასიათასობით კრიპტოვალუტების ბარათები.