თბილისი (GBC) - სააგენტოს „აწარმოე საქართველოში“ მხარდაჭერით კიდევ ერთი კომპანია შპს „ ქუთაისის ავტომექანიკური ქარხანა“ გაფართოებას შეძლებს.

სააგენტოს „აწარმოე საქრთველოში“ მხარდაჭერით, კომპანიამ ახალი მანქანა დანადგარები და ინდუქციური ღუმელი შეიძინა, რომლის მეშვეობითაც პროდუქციის ასორტიმენტის გაზრდას შეძლებს, კერძოდ კი წარმოებას 2 ტიპის პროდუქცია შეემატება: სხმულების - ე.წ ბრონების დამზადება სხვადასხვა ტიპის ქვის სამტეხლოებისათვის და რუხი თუჯის დეტალების წარმოება.

კომპანია სახელმწიფოს  ფინანსური მხარდაჭერით სარგებლობს, რაც იმას ნიშნავს, რომ პირველი 2 წლის განმავლობაში პროცენტის თანადაფინანსებას სააგენტო „აწარმოე საქართველოში“ განახორციელებს. სააგენტოს დახმარებით განხორციელებული პროექტის ინვესტიციის ჯამური მოცულობა 1 232 337 ლარს შეადგენს.